راديو نت

اكيد الراديو ومحطات الراديو حاجة معروفة بالنسبة لمعظم الناس…

طيب عمرك سألت نفسك الراديو عبارة عن ايه؟ وبيوصلك المحطات ازاي؟ ازاي بتقدر تسمع وممكن تتكلم عليه كمان ؟ وليه في محطات معينة بتشتغل في مناطق معينة ومناطق تاني لا؟

الحقيقة كل دي اسئلة جميلة وليها اجابة بس للأسف ده مش موضوعنا دلوقتي …

موضوعنا عن راديو الانترنت او راديو نت  زي ما هتسمع اكتر وده بيفرق كتير عن الراديو العادي الي بيتنقل في الخطوط اللاسلكية؛

من مميزات راديو الانترنت ان تكلفته في ادارته وتشغيله اقل من العادي يعني مش محتاجين ادوات وأسلاك والحاجات اللي بيحتاجها الراديو العادي وكمان مش محتاجين ناس مخصوص عشان تمسك إدارة المحطة الإذاعية…

هو كمان فرصة كويسة جداً لخريجين اعلام او حتى الناس اللي عندهم هواية الإذاعة إنهم يبدأوا شغل خاص بيهم بتأسيس محطة اذاعية خاصة وده بالفعل حصل مع مجموعات من الشباب وحققوا نجاح كبير.

راديو الانترنت ممكن يبقى شغلك او بمعنى اصح يبقى start-up الخاص بيك عن طريق الاعلانات الي ممكن تجيلك على المحطة بتاعتك وتستخدم العائد كادخل ليك او لتحسين او تطوير المحطة …

كونك رائد أعمال أو صاحب start-up خاص بيك ده امر ممكن يجي من اي فكرة حواليك، ممكن يجي من محطة اذاعية على الانترنت بس بشرط تكون مدروسة كويس اوي ومتخططلها تخطيط ناجح.

اترك تعليقاً