Creative Section’s job description

تعالوا نتكلم عن ال creative section ، مكان أكتر ناس خيالها واسع ودماغها ملهاش حدود. أصحاب الأفكار اللي أحيانًا المجتمع مش بيلقطها بسرعة بس لما يلقطها بيقول إيه الجمدان ده، وده عشان هي مختلفة وجديدة.

CONTENT WRITING (CW)

أول committee عندنا هي ال content writing.. (CW)

وده مش بس مكان الناس اللي بتحب الكتابة والقراية، لأ ده كمان مكان الناس اللي عندهم أفكار كتير، بيحبوا الرغي ، وبرده بيعرفوا يلخصوا الكلام ده كله في جملة أو اتنين.

ال committee هتبقى مسئولة عن كتابة محتوى ال magazine. ودي online magazine بتصدر كل سنة ٣ أعداد على الأقل..

كمان هتبقى مسئولة عن كتابة posts كل ال social media.

وعن إنشاء الأفكار الخاصة بالفديوهات عن طريق brainstorming ومعالجة الفكرة على هيئة storytelling.

هنتعلم سوا حاجات كتير، كتابة المقالات، وكتابة وخلق المحتوى لل social media وكمان هنتعلم ال copy writing وحاجات تانية كتير

لو خايف تقدم هنا عشان مش بتعرف تكتب فمتخليش ده يوقفك عشان كلنا بنتعلم وكلنا بنساعد بعض نتطور ونوصل لمستوى كويس. أما لو شايف أن ده مش مكانك فلسه عندنا أماكن تانية.

PHOTOGRAPHY & VIDEO PRODUCTION (PV)

تعالى أقولك مثلًا عن ال PHOTOGRAPHY & VIDEO PRODUCTION (PV)

لجنة التصوير وإنتاج الفيديوهات. وهم المسئولين عن توثيق كل لحظة في Minders فمثلًا:

مسئولون عن توثيق أي Event عن طريق الصور والفيديوهات.

مسئولون عن التعديل على الصور عشان تطلع بأحسن جودة.

مسئولون عن كتابة السيناريوهات الخاصة بالفيديوهات مع لجنة كتابة المحتوى.

كمان مونتاج الفيديوهات عن طريق برنامج Premiere.

استخدام الموشن جرافيك عن طريق برنامج After Effects في تقديم أي إنترو.

هتتعلم حاجات كتير تخليك قادر على الشغل في المجال ده كويس جدا، زي مثلًا أنك هتتعلم الشغل في

(Photography, Lightroom, Filmmaking, Premiere, After Effects)

GRAPHIC DESIGN (GD)

ندخل بقى على committee تانية جامدة وهي ال GRAPHIC DESIGN (GD)

وهي مسئولة عن تصميم بوستات Minders على السوشيال ميديا، وإنشاء التصميمات الخاصة بهوية Minders عمومًا

وهتتعلم حاجات زي استخدام برامج Adobe اللي زي: Photoshop, Illustrator, InDesign, and XD.

هتشتغل فى تيمات مع الـMembers وتعملوا Projects عشان تحسن الـPortfolio بتاعك على Behance،

وحاجات تانية كتير جداً.

SOCIAL MEDIA (SM)

وأخيراً بقى وصلنا لل social media (SM)

هتبقى مسئولة عن تسويق الـ Events الخاصة بـ Minders إلكترونيًا فمثلًا:

هتتولى مسئولية إدارة كل الـPlatforms اللي موجود عليها Minders.

 وعمل Analysis لكل الـPlatform دي علشان نعرف هل الأداء ماشي كويس ولا فيه مشاكل، ولو فيه فين وإزاي نحلها.

الميمبرز بقى هيستفيدوا إيه؟

هيتعلموا إزاي يعملوا كل اللي فوق ده بطريقة بروفيشنال.

ومن الآخر كده هدفنا إننا نخلي الميمبرز دول جاهزين إنهم يشتغلوا كـSocial Media Specialist بعد أما يخلصوا السيزون.

لو حابب تعرف أكتر عن كل committee استنى ال post بتاعها على ال page بتاعتنا وهتعرف كل التفاصيل اللي محتاجها

لو لسه حاسس أن ده مش مكانك وبتدور على نفسك في section تاني، متقلقش.. استنى عشان تعرف بقية ال sections وإحنا معاك خطوة بخطوة لحد ما تلاقي نفسك وتبقى جزء من Minders..

لو لقيت نفسك هنا بقى إملى الفورم دي يلا متتأخرش مفيش وقت :

https://forms.gle/3QWimsBq9gUN7riq5

اترك تعليقاً